مسقعـــة

**ريما** · 06-18-2010 02:57 AM

بسم الله الرحمن الرحيم

مسقعه وبدون قلي صحيه 100%
وعن جد لاتفووووووووووووتكم

المقادير
طماطم مقطعة شرائح او مكعبات انا نوعت الإثنين
بطاطس مقطعة بالشكل الي تحبيه انا قطعتها على شكل أصابع
وجزر مقطعة بالشكل الي تحبيه برضوووو قطعتها على شكل أصابع
فلفل بارد أخضر مقطع شرائح
وبصل مقطع شرائح
مكعب مرقة ماجي
وعلبة معجون طماطم
وبهارات ــــ وكمون ــــــ وملح

هناااا صورة المقادير

نبدأ الطريقة .
أول شئ نخلط البطاطس والجزر والفلفل والبادنجان (اذا حابه تضفينه) ونرش عليه الملح والبهارات انا استخدمت بهار المشوي وبهارات منوعة زي في الصورة

هنااذا كان عندك (قدر بخار) تحطي ماء قي القاع وتحطي الخضار في الصفاية حقته وتحطينها فوق الماء واذا ماعندك مو مشكلة ممكن تسلقي الخضار واذا استوت ترشي عليها البهارات والملح كمان ممكن تحطيها في الفرن بعد ماتبليها بالبهارات كله تعطي نفس الطعم وهذي صورة الخضار في قدر البخار ورشيت فوق الخضار شويه بصل .....

ونغطي القدر ..............

بعد كذا نقلي البصل بشوية زيت مو تكثري لا إلي تشوفيه مناسب وتخليه على جنب.... وهذي الصورة

بعد كذا أجهز (صوص الطماطم )في قدر ثاني وهذي مررة أحب أكثرها نحطي نصف علبة معجون الطماطم ومكعب مرقة الماجي وملح وبهارات وملح ليمون اذا كان عندك (مو شرط) وكاس كبيرونص ماء دافئ واخلطيها مع بعض وحطيها على النار واذا شفتيه بدأيغلي تتطفئ النار وتتركيه على جنب ....... وهذي صورة الصوص

بعد كذا نبدأ نجهز الصينية ترصي شرايح الطماطم على الصينية انا قطعتها شرايح ومكعبات عشان تشوفوهاا...... وهذي صورتها

بعد كذا تخلطي البصل المقلي مع الخضار( اذا استوت) وترصيها فوق الطماطم...

بعد كذا تصبي فوقها صوص الطماطم وتوزعيه على الصينية

وتدخليها الفرن على نار متوسطة أول شئ من تحت تقريا ربع ساعة بعدين من فوق الين ماتشوفيها خلاص نشفت ............
وهذي صورة المسقعة بعد ماخرجتها من الفرن وقدمتها مع الخبز وممكن تقدميها مع أرز ابيض ...