الموضوع: أرز المقلوبة بالدجاج على طريقتي

يالله نبدأ طبعآ المقادير قليله والكمية تكفي لشخصين


مقادير الأرز الأبيض:

زيت + أرز حسب الرغبه + ملح + فلفل أخضر رومي + بصله




طريقة عمل الأرز الأبيض:

يقطع البصل والفلفل

نبدأ بوضع الزيت والبصل ونخليه يسخن شوي بس لا يحمر البصل




ثم الأرز والفلفل وملح حسب الرغبه ويتم تقليبه




ثم نضع الماء ونضع حبات من الهيل والقرفه وحبتين قرنفل





نغطي القدر حتى يستوى الأرز أهم شي ننتبه وكل شوي نفتح الغطاء عشان نتأكد

يعني اذا شفنا الموية خلصت والأرز باقي ماأستوى نضيف موية بكمية محدوده

حتى يستوى الأرز



وبكذا نكون خلصنا الأرز الأبيض...

والحين نروح لمقادير المقلوبة

مقادير المقلوبة:

زيت + ملح + ماء

خضار مشكل مقطع شرائح

1 بطاطس +1 طماطم +بصله + جزر+ فلفل أخضر رومي + كزبرة واذا حبيتي ممكن تحطي باذنجان




1 صدور دجاج منزوع الجلد والعظام



معجون طماطم + ماجي + بهارات مشكله

ثوم يدق مع فلفل أسود وكمون

بهار مشكل مجفف نلاقيه محلات بيع البهار يتكون من ليمون مجفف ورق ريحان مجفف وحبات كزبره مجففه وانواع اخرى

الطريقة:

يتم سلق الدجاج في الماء وهذه المقادير تكفيها صدر واحد فقط
وكذلك نقلي البطاطس واذا عندك باذنجان كمان نقليه




نضع الزيت والبصل ويتم تقليبه حتى يبصح لونه ذهبي




نضع الفلفل الأخضر والطماطم




نضع جميع البهار و الملح والماجي ومعجون الطماطم والكزبرة



ثم الجزر والبطاطس المقليه والباذنجان والدجاج






نضع قليل من الماء ونخليه شوي حتى يطبخ تمام يعني يغلي




بعد ماصار عندنا ادام المقلوبه نجيب الأرز اللي عملناه

ونحطه فوق الادام اللي عملناه الحين بس مو كل الرز الأبيض

يعني نخلي شوي منه بالقدر

شوي شوي ننقل الأرز الأأبيض شوي شوي
مانقلبه أبد ونغطي طبقة الأدام بالأرز الأبيض حتى يصير عندنا ارز ومافي اي شي أحمر




آخر شي بعد أن نتأكد أن مابقى مويه بالقدر خلاص أمتزج الادام بالرز

يعني نكون خلصنا الطبخه ونجي الحين للتقديم

اشلون نقدمه بالصحن عشان مانلخبط ونعجن الأبيض بالمقلوبة
اول شي نروح للقدر اللي فيه أرز أبيض فقط

ونحط بالصحن قليل أرز أبيض ثم نروح لقدر المقلوبة

فوق الرز الأبيض نحط أرز المقلوبة والخضار فوقه ثم الدجاج من فوق

ونحط فوق الدجاج كمان من الخضار عشان تطلع شكلها حلو



اتمنى تنال رضاكم

ومع السفره أجمل ورد لقلوبكم مع كل الود..

يمي يمي
تسلم الايادي شوشو
على الطبخه

لاعدمنا جديدك

تحياتي ..

نوررررررررررررررتي